សៀមរាប៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានអញ្ជើញដល់ទីក្រុងសៀមរាប នៃខេត្តសៀមរាបហើយបន្ទាប់ពីបានធ្វើដំណើរដោយរថយន្តពីរាជធានីភ្នំពេញកាលពីព្រឹកមិញ។

ក្បួនរថយន្ដរបស់សម្ដេចតេជោ បានចូលមកដល់កន្លែងដែលសម្ដេចស្នាក់នៅក្នុងសណ្ឋាគារមួយ នៃទីក្រុងសៀមរាប ខេត្តសៀមរាប នៅម៉ោងប្រមាណ ១១និង១១នាទី ថ្ងៃទី២២ ខែមេសា ឆ្នាំ២០២២នេះ។

សម្ដេចតេជោ ធ្វើដំណើរមកទីក្រុងសៀមរាបនេះគឺដើម្បីចូលរួមជាអធិបតីដើម្បីសម្ភោធដាក់ឱ្យប្រើប្រាស់ផ្លូវ៣៨ខ្សែក្នុងទីរួមខេត្តសៀមរាប និងពិនិត្យអាកាសយានដ្ឋានថ្មីសៀមរាប-អង្គរ ដែលកំពុងសាងសង់។

សម្ដេចបានចេញដំណើរពីរាជធានីភ្នំពេញនៅម៉ោងប្រមាណ៧ព្រឹក ដោយបានពិនិត្យលើស្ថានភាពតាមផ្លូវរាជធានីភ្នំពេញមកសៀមរាបនិងបានចូលអុចធូបមូលលោកតាក្រហមក ផ្លូវបំបែកខេត្តកំពង់ធំ មុនពេលបន្តដំណើរទៅកាន់ខេត្តសៀមរាបផងដែរ៕